***- පෙරුම් පුරන්නම් -***

අනේ මං දන්නෑ මගේ සඳ

එළිය දෙන්නෑ අඳුරු අහසට

පුංචි තරුවක් වෙලා දුර සිට

පෙරුම් පුරන්නම් හඳේ සිසිලට...

(මංජු)

ඉන්ද්‍රිය භාවනා සූත්‍රය (ධර්ම දානය උදෙසා ලියමි)

ශ්‍රද්ධාවන්ත පින්වතුනි,

බුදුරජාණන් වහන්සේගේ ප්‍රඥාව හරිම විශ්මිතයි. ඒ විශ්මිත ප්‍රඥාවෙන් යුක්ත වූ භාග්‍යවත් බුදුරජාණන් වහන්සේ ශ්‍රාවකයින්ට නිවන් මග පෙන්නා දෙන ආකාරයත් විශ්මිතයි. ඒ නිවන් මග පිණිස අවබෝධය ඇතිකර ගත යුතු ආකාරය විවිධ කෝණ වලින් විග්‍රහ කරන්න බුදුරජාණන් වහන්සේට පුළුවන්.

ඉති අද අපි ඉගෙන ගන්නේ එබදු ලස්සන විග්‍රහයක් ඇතුලත් දෙසුමක්. මේ දේශනාවේ නම " ඉන්ද්‍රිය භාවනා සූත්‍රය". මේ සූත්‍රය සදහන් වන්නේ මජ්ඣිම නිකායේ තුන්වන කොටසටයි. ඒ දිනවල බුදුරජාණන් වහන්සේ වැඩසිටියේ, 'කජංගලා' කියන නගරයේ 'මුඛේලු' කියන වනන්තරේ.

එදා පරාසරිය කියන බ්‍රාහ්මණයාගේ ගෝලයෙකු වන උත්තර කියලා තරැණයෙක් බුදුරජාණන් වහන්සේව බැහැදකින්න ආවා. ඇවිල්ලා බුදුරජාණන් වහන්සේ සමග සතුටු සාමිචියේ යෙදෙන්නට පසෙකින් වාඩි වුණා. බුදුරජාණන් වහන්සේ මේ තරැණයාගෙන් අහනවා,

'' උත්තර තරැණය, පාරාසරිය බ්‍රාහ්මණයා තමන්ගේ ශ්‍රවකයන්ට ඉන්ද්‍රය භාවනාව ගැන දේශනා කරනවා නේද?''

මෙතැන ඉන්ද්‍රය භාවනාව කියලා ඇසුවේ ඇස, කණ, නාසය, දිව, කය, මනස මුල් කරගෙන ගුණයක් වර්ධනය වීම ගැන දේශනා කරනවාද කියලයි.

''භාග්‍යවතුන් වහන්ස, ඒක හරි පාරාසරිය බ්‍රාහ්මණයා ශ්‍රාවකයින්ට මේ ඉන්ද්‍රයන්ගෙන් ගුණයක් වර්ධනය කරගැනීම ගැන දේශනා කරනවා.''

''උත්තර, ඉතින් පාරාසරිය බ්‍රාහ්මණයා ශ්‍රාවකයින්ට මේ ඉන්ද්‍රය භාවනාව දේශනා කරන්නේ මොන විදියටද?''

"භාග්‍යවතුන් වහන්ස, කෙනෙක් ඇසෙන් රෑප දක්න්නේ නැත්නම්, ඒවගේම කණෙන් ශබ්ද අහන්නේ නැත්නම්, එන්න එයා ඉන්ද්‍රය භාවනාවෙන් යුක්ත කෙනෙක් කියලයි පාරාසරය බ්‍රාහ්මණයා කියන්නේ.''

''උත්තර, එතකොට හරි වැඩක්නේ, එහෙම නම් කෙනෙකුට ඇස් පේන්නේ නැත්නම් එයා ඉන්ද්‍රය භාවනාවෙන් යුක්තයි. යමෙකුට කණ් ඇහෙන්නේ නැත්නම් ඔය කියන ආකාරයට එයත් ඉන්ද්‍රිය භාවනාවෙන් යුක්තයි. (අන්ධෝ හි උත්තර ච‍ක්ඛුනා රෑපං න පස්සති) උත්තරය, ඇස් පෙනෙන්නේ නැත්නම් අන්ධ කෙනා ඇසින් රෑප දක්න්නේ නැහැනේ. (ඛධිරෝ සෝතේන සද්දං න සුණාති) බිහිරි කෙනා කණෙන් ශබ්ද අහනනේ නෑනේ. ඉතින් එහෙම නම් ඒ ඇත්තන්ගේ ඉන්ද්‍රියන් වැඩිලා.''

මෙහෙම පිළිතුරැ දුන්නාම උත්තර කියන මේ තරැණයාට උත්තර නැතුව ගියා. මේ විදියට නිශ්ශබ්දව, ඔලුව යටට හරවගෙන, කර කියා ගන්න දෙයක් නැතුව, වැටහීමකින් තොරව වාසය කරන උත්තර දිහා බලලා බුදුරජාණන් වහන්සේ ආනන්ද ස්වාමීන් වහන්සේ ඇමතුවා.

ආනන්දය, බලන්න මේ පාරිසරිය බ්‍රාහ්මණයා ශ්‍රාවකයින්ට ඉන්ද්‍රිය භාවනාව කියන හැටි. නමුත් ආනන්දය, මේ බුද්ධ ශාසනයේ අනුත්තර වූ ඉන්ද්‍රිය භාවනාව කියන්නේ වෙන එකක්නේ.''

පින්වත්නි, ආනන්ද ස්වමීන් වහන්සේ කියන්නේ බුදුරජාණන් වහන්සේට බුද්ධෝපස්ථාන කරන්න පතාගෙන ආපු කෙනා. ඒ අවස්ථාව ආපු ගමන් ආනන්ද ස්වාමීන් වහන්සේ දන්නවා, දැන් ධර්මය අහන්න අවස්ථාව මතුවෙනවා කියලා. බුදුරජාණන් වහන්සේ ආනන්ද ස්වාමින් වහන්සේට දේශනා කරනවා.

''ආනන්දය, දැන් බලන්න පාරාසරිය බ්‍රාහ්මණයා ඉන්ද්‍රිය භාවනාව ගැන කියන්නේ අමුතු විදියට. නමුත් බුද්ධ ශාසනයේ ඉන්ද්‍රිය භාවනාව කියන්නේ වෙන විදියට.''

එතකොට ආනන්ද ස්වාමීන් වහන්සේ බුදුරජාණන් වහන්සේට වන්දනා කරලා කියනවා,

''(ඒතස්ස භගවා කාලෝ) භාග්‍යවතුන් වහන්ස, මේ එයට කාලයයි. (ඒතස්ස සුගතෝ කාලෝ) සුගතයාණෙනි මේ එයට කාලයයි. (යං භගවා අරියස්ස විනයේ අනුත්තරං ඉන්ද්‍රියභාවනං දේසෙය්‍ය) භාග්‍යවත් බුදුරජාණන් වහන්සේ විසින් මේ බුදු සසුන තුල, (ආර්ය විනය කිව්වේ බුද්ධ ශාසනයට) ඉන්ද්‍රිය භාවනාව පිණිස යමක් දේශනා කරන සේක්ද, (භගවතෝ සුත්වා භික්ඛු ධාරෙස්සන්තී'ති) භාග්‍යවතුන් වහන්සේගෙන් අහලා මේ භික්ෂුන් වහන්සේලා මතක තබා ගනීවි.''

''එහෙම නම් ආනන්දය, අහගන්න. මම කියා දෙන්නම්. මේ බුද්ධ ශාසනයේ අනුත්තර වූ ඉන්ද්‍රය භාවනාව තියෙන්නේ කොහොමද?''

මේ කියන්නේ ආර්ය අෂ්ඨාංගික මාර්ගයේ හැසිරෙන ශ්‍රාවකයා, නුවණ විමසා, සිහිය නුවණ වර්ධනය කරගෙන යද්දී, ඔහු තුල යම් යම් ගුණ ධර්මයන් ගොඩනැගෙනවා. ඒ ගොඩනැගෙන දේවල් අතර විශේෂ දෙයක් තමයි සිහිය. ඒ වාගේම වීරිය ගොඩනැගෙනවා. ඊලගට නුවණ ගොඩනැගෙනවා. එතකොට සිහිය, වීරිය, නුවණ ගොඩනැගිලා තියෙන කොට ඒ භික්ෂුවට තියෙන්නේ ඉන්ද්‍රියන් තුල ගුණ ධර්මයන්ගේ වැඩීමක්.

(පූජ්‍ය කිරිබත්ගොඩ ඤාණානන්ද ස්වාමීන් වහන්සේගේ සුසුමක විමසුම, නිවනක ඇරඹුම කෘතියෙන්)

අංගම් කලාව

http://angampora.blogspot.com බ්ලොග් අඩවියෙන් උපුටා ගැනීමකි, 

අංගම් කලාව

අංගම් කලාව, මෙයින් අපට සිහියට නැගෙන්නේ අංගම්පොර යන්නයි. සරලවම කියනවානම් අංගම්පොර යනු දීර්ඝ ඉතිහාසයක් ඇති හෙළ ද්වීපයට/ශ‍්‍රී ලංකාවටම ආවේණික වූ සටන් කලාවයි. මේ පිළිබඳ නූතනයේ විවිධ මත දරන්නන් දැකිය හැක. එහෙත් අංගම් කලාව, යනු කුමක්ද? මෙම කලාවේ ඉතිහාසය විමසීමේදී ලංකාවේ වර්තමානයේ විද්වතුන්ට හා මෙම ශ‍්‍රාස්ත‍්‍රයේ ප‍්‍රවීනයන්ට අනුව, අංගම්කලාව කියා හඳුන්වන්නේ ලංකාවට ආවේණික වූ තවත් ශ‍්‍රාස්ත‍්‍ර කිහිපයක් මේ සමග බද්ධ වූ බැවිනි. ඒවා නම් පහත සඳහන්වේ

අංගම්පොර (unarmed combat)

ඉලංගම්පොර (armed combat)

මායා අංගම් (black & white magic)

නැටුම් කලාව‍ හා බෙරවාදනය (dancing & drumming)

දේහධම්ම දේශිය වෛද්‍ය ක‍්‍රමය (herbal medicines)

ජ්‍යෙතිෂ්‍ය විද්‍යාව (astrology)

අංගම් පොර (Unarmed Combat)

‘‘ඇඟේ’’ යනු ශරීරය. පොර යනු ‘‘හටන’’ ය. ‘‘අංගම්පොර’’ යනුවෙන් අදහස් කරන්නේ‘‘ශාරීරික පොර’’ ය. ඒ අනුව ආයුධ රහිතව තම ශරීරාංගයන්ගෙන් පමණක් කරනා සටන අංගම්පොර සටන නම්වේ තවදුරටත් අංගම්පොර අනු අංග තුනකට බෙදා දැක්විය හැකිය ඵනම්

    1. පොරහරඹ (offensive and defensive techniques)

    2. ගැටපූට්ටු (grips and locks)

    3. මරුකලාව (vital point attacks)

පොරහරඹ

පොරහරඹ (offensive and defensive techniques)

මෙහිදී සටන් ශිල්පියා මූලික වශයෙන් පහරදීම්(offense) පහර වැලකීම්(defense)අඩිමාරු(foot movements) ගමන්තාල, අත්හරඹ,පාහරඹ ආදිය පුහුණු වෙනු ලබයි.

තවද අංගම් සටන්කරුවකු පොරහරඹයකදී “උකුස්සා ගේ ඇසත්”, “මොණරාගේ කනත්”,“වදුරාගේ පැනිල්ලත්”,“කොටියාගේ ගමන්විලාසය” හා “වලසාගේ බදාගැනිම”යන ශිල්ප අංගයන් එකවර භාවිතා කිරීමට පුහුණු වීම අනිවාර්යෙන් සිදුවිය යුතුය.

පොරහරඹයේදී මූලික වශයෙන් යොදාගන්නා පහරදීම්(offense) හා පහර වැලකීම්(defense) ක්‍රමවේදයන් කිහිපයක් නම් වශයෙන් පහත දැක්විය හැකිය

     · දික්ගුටිය

     · චොල්ලේ පහර

     · ටොක්කේ පහර

     · ලෙන් පහර

     · මිටි ගුලිය

     · අත් දණ්ඩ

     · වැලි විදිල්ල

     · හෙල්ලේ පාර

ගැටපූට්ටු (grips and locks)

ගැටපූට්ටු වලටද අංගම් කලාව තුල සුවිශේෂ ස්ථානයක් හිමි වේ. තම ශරීරාංග උපයෝගි කොටගෙන ප‍්‍රතිවාදියාගේ පහර වලකා ප‍්‍රතිවාදියා තම ග‍්‍රහණයට හසු කර ගැනීම,අඩපන කිරීම හෝ මරණයට පත්කිරීම මෙයින් සිදුවේ. ඒ වාගේම තමාට ප‍්‍රතිවාදියා ගැටයක් දැමූ විට එයින් ගැලවී යළි ප‍්‍රතිවාදියාට ගැටයක් දැමීමට ප‍්‍රවීන අංගම් ශිල්පීන් දැන සිටියි.

මූලික වශයෙන් යොදාගන්නා ගැටපූට්ටු ක්‍රමවේදයන් කිහිපයක් නම් වශයෙන් පහත දැක්විය හැකිය

       · පිඹුරු ගැටය

       · මාංචුව

       · කතිර ගැටය

       · අලි මාට්ටුව

       · මහ මාට්ටුව

මරුකලාව (vital point attacks)

ආයුධ යොදා නොගෙන සටන් කිරීමේදි සුවිශේෂි අංගයක් වන්නේ නිල ඇල්ලීමයි. අංගම් සටනකදී මරු කලාව ඉතාම වැදගත්ය. මරු කලාව ගුරුන්නාන්සේ විසින් සෑම සිසුවෙකුටම නූගන්වයි . තමාගෙන් පරතෙරටම සටන් කලාව හදාරනු ලබන විශ්වාසවන්ත ශිෂ්‍යයා/ශිෂ්‍යයන් හට පමණක් රාවණ දෙවියන්ට පුද පූජා හා දිවුරුම්දීම් හතකින් පසු මරු කලාව උගන්වනු ලබයි.

අංගම් ශිල්පයේදි මරුකලාව නියමාකාරයෙන් භාවිතා කිරීමසඳහා ජ්‍යෙතිෂ්‍ය විද්‍යාව පිලිබඳ දැනුම අත්‍යවශය. මරුකලාවේ ප‍්‍රධාන නිල 107 ක් පිළිබඳවද කියැවෙන අතර මාරාන්තික නිල 12 ක් පිළිබඳ කියවේ.

අංගම් සටන්ක්‍රමය තුල නිළවලට පහරදෙන ක්‍රම රැසක් දැකගත හැකිය.ඒ අතර

· නිළ අල්ලා පහරදීම.

· එවෙලේම මරණය ගෙනදෙන නිළ පහර

· නිළ අල්ලා අංශයක් පණ නැතිකරවීම

· නිළ බලා ලේ වමණ යන්න පහරදීම.

· ගනිත ක්‍රමයට යම්කිසි වේලාවකට පසු මැරෙන්න පහරදිම.

· සිහිනැතිවිම සදහා පමණක් දෙන පහර.

· සුව වීමට කල්ගතවන රෝග ඇතිකිරීම සදහා නිළපහරදිම.

· මළ මුත්‍රා පහවිමට නිළ ඇල්ලීම.

ආදී වශයෙන් සිරුරේ නිළ බලාපහරදීම අංගම් සටන්කලාවේම පමණක් දැකිය හැකි ඉතා වැදගත් ලක්ෂණයකි.

මෙම ශාස්ත‍්‍රයේදී නිල වලට පහරදීමත් සමගම නිල වෙදකම ද සඳහන් වේ.

සටන් පුහුණු වීමේදී බොහොම ආරක්ෂා කාරි ලෙස පුරුදුවීමට ගුරුවරු ඇතුළු ගෝල බාලයින් වගබලා ගනී. එහෙත් යම් ආකාරයකන් අනතුරකට ලක් වුවහොත් ගුරුවරු නිල වෙදකම උපයෝගි කර ගනී. මෙම ශාස්ත‍්‍රයෙහි පරතෙරටම ගිය ශිල්පින් හට රෝග බොහොමයක් උදා-: කැස්ස, හිස අමාරු, බඬේ අමාරු වැනි දැ නිල තෙරපිම මගින් සුවකිරිමට හැකියාවක් පවති. ඒ වගේම දේශිය වෛද්‍ය ක‍්‍රමයේ එන තෙල් බෙහෙත් ගුලි ද ලෙඩ රෝග සුව කිරීමට මේ ශාස්ත‍්‍රය තුල යොදා ගනි.

අංගම් ශිල්පය හා කායශක්තිය

අංගම් සටන්කරුවා යනු මනා හික්මීමක් ,ඉවසීමක් ප්‍රගුණකරණලද අය වෙති.එය ඔහුට ලැබෙන්නේ බුදු දහම තුලින්ය . ශාරීරිකව හා මානසිකව මනාව පුරුදුපුහුණු වූ අංගම් සටන්කරුවාගේ ශක්තිය පුදුම සහගතය . පුරාණයේ ඔහු තම ශක්තිය විදහාපෑම සදහා විවිධ අභ්‍යාසවල නිරතවුනි ඒවානම්

ඇත් දළක් මුල සිදුරු සතරක් කරවා සතර පැත්තට නෙරා සිටින සේ ලී කෑලි දෙකක් සවිකර, දළේ අග්ගිස්ස පමණක් පෙනෙන සේ බිම වළලති. ඇතෙකු ලවා ඒ වඩා පාගවා තද කොට මතු වී ඇති දළ තුඩෙහි තෙල් ගල්වා එය එක් අතකින් පමණක් අල්වා දළය උඩටගන්නා ලෙස තර`ගකරුවනට අණ කරන ලදී. මෙසේ කළ එක් වතාවකදී ජයග‍්‍රාහකයා වූයේ ලෙව්කේ දිසාවේ විය.

      · පස් මිටක් ගෙන එයින් දිය මතුවන සේ මිරිකාලූයේය.

      · වියලි පොල් ගෙඩියක් ගෙන ඇ`ගිලි අතරින් කිරි පනින තුරු මිට මොළවා පොඩි කළේය. -

       කුන්ද පොරකාරයා මෙය කල බව කියැවේ

     · හක්ගෙඩියක් මිටින් ගසා සුණු විසුණු කර දැමීම - කප්පාගොඩරාළ

     · විශාල ගල් ඈතට විසි කළේය - කප්පාගොඩරාළ

     · ගස් දෙකක් ඇඳා එකට බැඳ නැවත මුලින් උදුරා දැමීය - බෝගමුවේ රාළ

     · හිසෙන් පොල් පැලීම.

     · පුවක් ගෙඩිය ඇ`ගිලි දෙකෙන් අල්ලා පොඩි කිරීම.

     · මිනිසුන් විශාල පිරිසක් සමග සටන් කිරීම

     · ඇස් අතපය බැඳගෙන සටන් කිරීම.

     · පොලු අට කැඩීම

     · කුළු හරක් මෙල්ල කිරීම

     · පොල් ගෙඩිය උඩවිසි කර දෙපළුවෙන්න පා පහර ගැසීම

       ආදිය මොවුන් විසින් තම ශක්තිය විදහාපැමට සිදුකරනු ලැබූ අභ්‍යාසවේ.

ඌරා ළිදේ අංගම් කෙටීම

ඌරා වලේ අංගම් කෙටීම යනු අංගම් ශිල්පියෙකුගේ කූඨප‍්‍රාප්තියයි. අතීතයේ රජුන්ගේ අනු දැනුම මත පැවති මෙම සටන් බොහෝ විට අවසානයේ එක් අයෙකු මරණයට පත් කරමින් හෝ දෙදෙනාටම දැඩි ලෙස තුවාල ලබමිනි. රජුගේ හුදු ආශ්වාදය හා පී‍්‍රතිය පිණිස,නිලයන් උසස් වීම් පහත් වුත් අතර පවත්වන ලදී.

අංගම් සරඹ ශාලාවේ කවර ශිෂ්‍යයකු හෝ තමා අනිත් සගයනට වඩා සමත් යැයි සිතයි නම්, තම මන පිළිගන්නා මෙන් සිය ගුරුවරයාගෙන් හා මුහන්දිරම් ගේ ඉල්ලා සිටිනු ඇත. මෙවැනි තවත් ඉල්ලූමක් ඇති වූ පසු ඒ දෙදෙනා පොර වැටීමේ යොදනු ලැබේ.

රියන් 30ක් දික්වූද රියන් 7 ගැඹුරුවුද ඌරාලිද නමින් හැඳින්වෙන එම වළ ඇතුලට දෙදෙන පිවිසෙන තෙක් උනුනොවුන් කවුදැයි සටන්කරුවන් නොදනිති.අතීතයේ දෙදෙනාගෙන් එන් අයෙකු මරණයට පත් වන තුරුම සටන පැවැත්වුවද පසු කාලයක සටන සිංහල පැයක් හෙවත් පෑතැටියෙන් ගණන් ගන්නා විනාඩි 24කට සීමා කරන ලදී.

මෙම සටන් වලදි කඩු මුගුරු යොදාගත් අතර සටනින් ජයගන්නාට හෝ දෙදෙනාටම රජුගෙන් තෑගි සහ ඉහල තනාන්තර පිරිනමන ලදී. (පණික්කිරාල,මුහණ්දිරම්,ගජනායක තනතුරු)

ඌරා වලේ සටනේදි සටනට පෙර සටන්කරුවන් දෙදෙනාම රාජභෝජන ආදී රාජ්‍ය ගෞරව ලැබෙන අතර, යම් ආකාරයකින් සටන අවසානයේ යම් අයෙක් මියගියහොත් සිරුර සමගම එම වල වසා දමා එම ස්ථානය යළිත් කිසිදු වැඩකට නොගත් බවට මතයක් තිබේ.

ආයුධ

තවත් කොටසකින් හමුවෙමු.